नेपाली कांग्रेसको सभापति पदका लागि गगनकुमार थापासहित तीन जनाले उम्मेदवारी दर्ता गराएका छन्। कांग्रेसको जारी १५औँ महाधिवेशनअन्तर्गत सभापति पदमा थापासँगै श्यामकृष्ण खड्गी र किशोरसिंह राठौरले पनि उम्मेदवारी दर्ता गराएका हुन्।
गत पुसमा सम्पन्न विशेष महाधिवेशनबाट थापा सभापतिमा चयन भएका थिए। उनी नेतृत्वको कार्यसमितिले नियमित महाधिवेशन अन्तर्गत अहिलेको १५औँ महाधिवेशन गराएको हो । कांग्रेसको नयाँ नेतृत्व चयनका लागि आज मनोनय दर्ता गर्ने क्रम सम्पन्न भएको छ । उम्मेदवारको नामावली फिर्ता लिने क्रम सकिएपछि अन्तिम नामावली प्रकाशन गरिने निर्वाचन समितिले जनाएको छ ।
