काठमाडौँ, साउन २३ :
बागलुङमा पहिरोमा पुरिएर मृत्यु हुनेको संख्या आठ पुगेको छ । सोही पहिरोमा परी अरु चार जना घाइते भएका छन ।
पहिरोले बडिगाड गाउँपालिका वडा नं. १० मा ६ जना र वडा नम्बर ९ मा दुई जनाको मृत्यु हो ।
पहिरोमा परेर बडिगाड गाउँपालिका वडा नं. १० का ७ बर्षिया मालती बुढा, मधु बुढा, १३ बर्षका मनोज बुढा अमन बुढा, ५१ बर्षका मैतीदेवी विक र एकजना ६ बर्षिया बालिकाको मृत्यु भएको छ ।
त्यसैगरी बडिगाड गाउँपालिका वडा नं. ९ मा पहिरोमा परि १५ बर्षका विधान परियार र २४ बर्षका गंगा बस्नेतको मृत्यु भएको जिल्ला प्रहरी कार्यालय बागलुङका प्रहरी उपरीक्षक ऋषिराम कँडेलले जानकारी दिनुभयो ।
आज बिहान बस्ती माथिबाट खसेको पहिरोले बस्ती छोपेपछि ठुलो क्षति भएको हो ।
घाइतेहरुको उद्दारपछि उपचार भइरहेको छ । पहिरोबाट पुगेको अन्य क्षतिको विवरण आउने क्रम जारी रहेको प्रहरीले जनाएको छ ।
