काठमाडौं, पुस २५ :
काठमाडौंको स्वर्णलक्ष्मी सहकारी ठगीको आरोपमा पक्राउ परेका कमल लामा र सुनिता नेवा धरौटीमा रिहा भएका छन् ।
अभियोगपत्रसाथ पेस गरिएका सहकारीको सञ्चालक समिति सदस्य लामा र लेखा सुपरीवेक्षण सदस्य नेवा धरौटीमा रिहा भएका हुन् ।
जिल्ला अदालत काठमाडौंका न्यायाधीश पदमराज पाण्डेको इजलासले अदालतमा अभियोगसाथ पेस गरिएका दुवै जनासँग धरौटी माग गरेको थियो ।
सुनीता ४ लाख र कमल ३ लाख रुपैयाँ धरौटी बुझाएर रिहा भएको अदालतका स्रेस्तेदार रामु शर्माले जानकारी दिए ।
सुनीता र कमललाई जिल्ला प्रहरी परिसर काठमाडौंले कात्तिक २० गते पक्राउ गरेको थियो । यही मुद्दामा राष्ट्रिय स्वतन्त्र पार्टी (रास्वपा) का सभापति रवि लामिछानेसहित ३७ जना प्रतिवादीको हकमा भने थुनछेक आदेश हुन बाँकी छ ।
