संघीय संसद्को हिउँदे अधिवेशनको पाक्षिक कार्यतालिका सार्वजनिक गरिएको छ । कार्यव्यवस्था परामर्श समिति मंगलबार बसेको बैठकले सम्भावित कार्यतालिका सार्वजनिक गरिएको हो । सार्वजनिक कार्यतालिकामा माघ १८ गतेदेखि ३० गतेसम्म बस्ने संसद बैठकको कार्यसूची रहेको छ ।
कार्यतालिका अनुसार १८ माघमा अधिवेशनको पहिलो बैठक बस्नेछ ।जसअनुसार संसद्को पहिलो दिन प्रधानमन्त्री केपी ओली लगायतका शीर्ष नेताहरूले सम्बोधन गर्ने कार्यतालिका छ । बोल्ने क्रम सकिएपछि सोही दिन सरकारले ल्याएका विभिन्न अध्यादेश संसद्मा पेस हुनेछन् । त्यसपछि माघ २२, २३, २४, २८,२९ र ३० बैठक बस्ने छ । यो महिना ६ दिन मात्र बैठक बस्ने छ ।
संसद सचिवालयको क्यालेन्डर अनुसार माघ २२,२३,२४,२८,२९ र ३० बैठक राखिएको छ । २५, २६ र २७ गते भने विभिन्न समितिको बैठक राखिएको छ ।सरकारको सिफारिसमा राष्ट्रपति रामचन्द्र पौडेलले माघ १८ गतेका लागि संसदको बैठक आह्वान गरेका छन् ।
हेर्नुस् यस्तो छ कार्यतालिका :
