बागलुङ, साउन ३२ :
बागलुङको बडिगाड गाउँपालिका-५ ग्वालीचौरमा १८ करोडको लागतमा १५ शय्याको अस्पताल भवन निर्माण भएको छ ।
सङ्घीय सरकारको लगानीमा निर्मित उक्त भवनबाट आगामी कात्तिकदेखि सेवा सञ्चालन गर्ने तयारीमा जुटेको गाउँपालिकाकी अध्यक्ष गण्डकी थापाले बताउनुभयो ।
अस्पताल सञ्चालनमा आएपछि स्थानीय बुर्तिबाङ, पोखरा, काठमाडौँ, पाल्पालगायत स्थानमा उपचारका लागि जानुपर्ने बाध्यता हट्ने उहाँले बताउनुभयो ।
गाउँपालिकाले सबै वडामा स्वास्थ्यचौकी र सामुदायिक स्वास्थ्य एकाइ स्थापना गरेर सामान्य रोगको उचार गर्दै आएको छ ।
