काठमाडाैं, माघ २७ :
नेकपा एकीकृत समाजवादीका अध्यक्ष माधवकुमार नेपालले प्रधानमन्त्री केपी शर्मा ओलीले दुनियाँलाई ठगेको आरोप लगाएका छन् ।
काठमाडौंमा पार्टीको उपत्यका प्रदेशको प्रथम अधिवेशनलाई शनिबार सम्बोधन गर्दै अध्यक्ष नेपालले ओलीले प्रधानमन्त्री बन्नकै लागि संविधान संशोधनको कुरा गरेर दुनियाँलाई ठगेको बताए ।
ओलीले आफू प्रधानमन्त्री बन्नकै लागि रातारात सरकार बदलेको प्रसंग उल्लेख गर्दै अध्यक्ष नेपालले भने, ‘संविधान संशोधनलाई मुख्य एजेन्डा बनाएर सरकार परिवर्तन गर्नु र अहिले आएर ओलीले ०८७ मा संविधान संशोधन हुन्छ भन्नु नै त्यसको प्रमाण भएको हो ।’साथै अध्यक्ष नेपालले ओली मुलुक सञ्चालनमा समेत गम्भीर नभएको आरोप लगाए ।
