धनुषा, चैत ४ :
धनुषामा चोकको नाम राख्ने विषयमा दुई समूहबीच झडप भएको छ । झडप नियन्त्रण गर्न प्रहरीले चलाएको गोली लागेर एकजना घाइते भएका छन् । घाइतेलाई उपचारको लागि जनकपुर प्रादेशिक अस्पताल ल्याइएको छ ।
सबैला नगरपालिका–९ भठिहनस्थित चोकको नाम राख्ने विषयमा विवाद चर्किएपछि नियन्त्रणमा लिन प्रहरीले गोली चलाउनु परेको धनुषाका प्रहरी प्रवक्ता डीएसपी वरुणबहादुर सिंहले बताए । त्यहाँ केहीदिन अघि यादव चोक लेखिएकोमा त्यस बोर्डलाई उखेलेपछि दुई समूहबीच झडपको स्थिति सिर्जना भएको बताइएको छ।
