काठमाडौं, चैत ३१ :
इजरायलका रक्षामन्त्री इजरायल काट्जले घोषणा गरेका छन् कि उनको सेनाले चाँडै गाजाको धेरैजसो भागमा आक्रमण सुरु गर्नेछ ।
इजरायल काट्जले यो पनि भनेका छन् कि- इजरायल रक्षा बल (आईडीएफ) ले गाजापट्टीको दक्षिणी भागमा रहेको रफाह र खान युनिस सहरहरूबीचको ‘सुरक्षा क्षेत्र’ कब्जा गरेको छ ।
इजरायली सेनाले खान युनिस र वरपरका क्षेत्रहरू खाली गर्न पनि आदेश जारी गरेको छ । आदेशमा भनिएको छ कि- इजरायली सेना गाजाबाट भएको हवाई आक्रमणको जवाफमा आक्रमण गर्ने तयारी गरिरहेको छ, जसको जिम्मेवारी हमासले लिएको छ ।
दुई महिनाको युद्धविरामपछि मार्च १८ मा, इजरायलले हमासविरुद्ध आफ्नो आक्रमण पुनः सुरु गर्यो ।
त्यसबेलादेखि इजरायलले गाजाको ठुलो क्षेत्र कब्जा गरेको छ । जसले गर्दा पुन: एकपटक लाखौं मानिसहरू विस्थापित भएका छन् । -बीबीसी
