५ रुपैयाँका १० लाख थान नयाँ नोट चलनचल्तीमा

नेपाल राष्ट्र बैंकले ५ रुपैयाँ दरको थप १० लाख थान नयाँ नोट आज (मंगलबार) देखि प्रचलनमा ल्याएको छ ।

राष्ट्र बैंकले आज (वैशाख २ गते, मंगलबार) देखि साबिककै आकार तथा रङमा ५ रुपैयाँ दरको न४५ ०००००१ देखि भ१८ ९९९९९९ का नयाँ नोट प्रचलनमा ल्याएको हो ।

नोटको अग्रभागमा बायाँतर्फ सगरमाथाको चित्र र दायाँतर्फ लालिगुराँसको पानी छाप छ । निवर्तमान गभर्नर महाप्रसाद अधिकारीको दस्तखत रहेको नयाँ नोटको तल्लो भागको किनारामा वि.सं. २०८१ लेखिएको छ ।

यस्तै, नोटको पृष्ठ भागमा मध्य भागको माथिल्लो खण्डमा अंग्रेजीमा ‘नेपाल राष्ट्र बैंक’ लेखिएको, मध्य भागमा जंगली याक तथा हुम्लाको लिमी क्षेत्रको हिमालको चित्र रहेको, नोटको तल्लो भागको बोर्डरमा अंग्रेजीमा रुपिज फाइभ लेखिएको र बोर्डरमा नोटको सेरिज नम्बर अंग्रेजीमा ‘२०२४ एडी’ लेखिएको छ ।