भारतको जम्मु-कश्मीरस्थित पहलगाम क्षेत्रमा हालै भएको आतंकवादी हमलापछि भारत र पाकिस्तानबीचको कूटनीतिक तथा सैन्य तनाव चुलिँदै गएको छ। पाकिस्तानका रक्षा मन्त्री ख्वाजा आसिफले संभावित भारतीय कारबाहीको आशंका गर्दै प्रतिकारको संकेत दिएसँगै यो विवाद अन्तर्राष्ट्रिय ध्यानको केन्द्रमा परेको छ।
यसैबीच चीनले पनि घटनाक्रममा चासो देखाएको छ। चिनियाँ विदेश मन्त्री वाङ यीले भनेका छन्, ‘भारत र पाकिस्तानबीच बढ्दो तनावलाई हामी गम्भीर रूपमा हेरिरहेका छौं।’ चीनले आफ्ना स्थायी रणनीतिक साझेदार पाकिस्तानको पक्षमा कसरी उभिन सक्छ भन्ने प्रश्न अहिले क्षेत्रीय सुरक्षा सन्तुलनको दृष्टिकोणले महत्वपूर्ण बनेको छ।
चीन र पाकिस्तानबीचको ‘अल–वेदर’ मित्रता विगत लामो समयदेखि चर्चाको विषय रहँदै आएको छ। बेल्ट एन्ड रोड इनिसिएटिभ (BRI) अन्तर्गत पाकिस्तानमा बनिरहेको चीन–पाकिस्तान आर्थिक गल्छी (CPEC) चिनियाँ लगानीको एउटा प्रमुख परियोजना हो, जुन जम्मु–कश्मीर क्षेत्रबाटै गुजरिरहेको छ। त्यसैले चीनको रणनीतिक तथा आर्थिक हित पनि यस क्षेत्रमा गाँसिएको देखिन्छ।
यही कारणले चीनले भारतसँगको तनाव नचाहे पनि पाकिस्तानको कूटनीतिक समर्थनमा उभिने सम्भावना प्रबल देखिन्छ। यद्यपि, चीनले अहिलेसम्म संयमता अपनाउन दुवै पक्षलाई आग्रह गर्दै आएको छ।
चीनको मुख्य प्राथमिकता क्षेत्रीय स्थायित्व, परियोजनाहरूको सुरक्षा, र आफ्नो विश्वव्यापी छवि हो। चीन चाहन्छ कि भारत–पाकिस्तानबीच तनावको कारण उसले दक्षिण एशियामा आफ्नो प्रभाव गुमाउन नपरोस्। त्यसैले चीनले एकातर्फ पाकिस्तानलाई सहयोग गरिरहँदा अर्कातर्फ भारतसँग खुला टकरावबाट जोगिने नीति लिएको देखिन्छ। बीबीसी हिन्दी
