माओवादी केन्द्र र गंगानारायण श्रेष्ठ नेतृत्वको नेसपाबीच पार्टी एकता (तस्बिरसहित)

ललितपुर, जेठ १२ :

नेकपा माओवादी केन्द्र र गंगानारायण श्रेष्ठ नेतृत्वको नेपाल समाजवादी पार्टीबीच एकता भएको छ ।

ललिपुरमा आज आयोजित एक कार्यक्रमकाबीच दुई पार्टीबीच एकता घोषणा भएको हो । २०७९ चैत ३ मा भएको तीन बुँदे सहमतिका आधारमा आज एकता भएको हो।

यो एकतासँगै श्रेष्ठ नौ वर्षपछि पुनः नेकपा (माओवादी केन्द्र) मा फर्किंएका छन्। उनले नौ वर्षअघि माओवादी पार्टी छाडेका थिए ।पूर्वअध्यक्ष महिन्द्र राय यादवले माओवादीसँगको एकता प्रक्राप्रति चासो नदेखाएपछि श्रेष्ठले केन्द्रीय समिति पुनर्गठन गर्दै नेतृत्व हातमा लिएका थिए।

२९ कार्यकारिणी सदस्यमध्ये १७ र १६० केन्द्रीय सदस्यमध्ये ९९ जना श्रेष्ठको पक्षमा उभिएर एकता प्रक्रियालाई अघि बढाइएको हो । आज बिहान बसेको माओवादी पदाधिकारी बैठकले पनि नेपाल समाजवादी पार्टी र नेपाः राष्ट्रिय पार्टीसँग एकता गर्ने निर्णयलाई अनुमोदन गरेको थियो ।