काठमाडौं, जेठ २३ :
नेकपा माओवादी केन्द्रनिकट युवा संगठन योङ कम्युनिस्ट लिग (वाईसीएल) को अध्यक्षमा पुष्प ओली सर्वसम्मत निर्वाचित भएका छन् ।
वाईसीएलको तेस्रो राष्ट्रिय सम्मेलनबाट ओलीलाई नयाँ अध्यक्षका रूपमा शुक्रबार सर्वसम्मत चयन गरिएको हो ।
निवर्तमान अध्यक्ष सुबोध शेर्पालीले दोहोरिन अस्वीकार गरेपछि नयाँ नेतृत्वका लागि पुष्प ओलीसहित केहरसिंह कुँवर, नवराज ऐर, गणेश शाही, डम्बर पुलामी, ठाकुर सौरागलगायत आकांक्षीको चर्चा थियो । अन्तिममा ओलीलाई अध्यक्षमा सर्वसम्मत चयन गरिएको हो ।
यसैगरी महासचिवमा गणेश शाही चयन भए पनि अन्य पदाधिकारीको टुंगो लाग्न बाँकी छ । वाईसीएल ४० वर्षमुनिका युवाको संगठन हो ।
