नेकपा एमालेले आर्थिक वर्ष ०८२/८३ को विनियोजन विधेयकको पक्षमा मतदान गर्न आफ्ना सबै सांसदहरूलाई ह्विप जारी गरेको छ ।
एमाले संसदीय दलका मुख्य सचेतक महेशकुमार बर्तौलाले सोमबार जारी गरेको ह्विपमा सबै सांसदहरूलाई अनिवार्य रूपमा उपस्थित भई विधेयकको समर्थनमा मतदान गर्न निर्देशन दिइएको छ ।
संघीय संसद्मा मंगलबार (भोलि) प्रतिनिधिसभाको बैठकमा सो विधेयक निर्णयार्थ प्रस्तुत गरिने कार्यसूची छ । नेपाल सरकारले आर्थिक वर्ष ०८२/८३ का लागि विनियोजन विधेयक जेठ १५ गते संसद्मा पेस गरेको थियो ।
एमालेले संसद्मा आफ्नो उपस्थिति र एकताबद्ध समर्थन सुनिश्चित गर्न ह्विप जारी गरेको हो ।
