धनगढी, असार १९ :
सुदूरपश्चिम प्रदेशका मुख्यमन्त्री कमलबहादुर शाहले उद्योग, पर्यटन वन तथा वातावरणमन्त्री रामेश्वर चौधरीलाई बर्खास्त गरेका हुन् । मन्त्रीमा नियुक्त भएको महिना दिन नपुग्दै उनी बर्खास्तीमा परेका हुन् ।
मुख्यमन्त्री शाहले चौधरीलाई असार ३ मा मन्त्री पदबाट राजीनामा दिन निर्देशन दिएका थिए ।नागरिक उन्मुक्ति पार्टीका प्रदेशसभा सदस्य रामेश्वर चौधरी सत्तारुढ दलको सहमतिअनुसार जेठ ४ मा सुदूरपश्चिम प्रदेशको उद्योग, पर्यटन वन तथा वातावरणमन्त्री नियुक्त भएका थिए ।
मन्त्री चौधरीले बजेट निर्माणमा चलखेल गरेको र कृषिमन्त्री हुँदा अनुदान वितरणसम्बन्धी विवादमा मुछिएको भन्दै मुख्यमन्त्री शाहले राजीनामा दिन निर्देशन दिएका थिए ।
