काठमाडौं, साउन १८ :
नेकपा माओवादी केन्द्रका अध्यक्ष पुष्पकमल दाहाल प्रचण्डले गल्ती गर्नेले नै आत्मालोचना गर्नुपर्ने बताएका छन् । पार्टी केन्द्रीय कार्यालय पेरिस डाँडामा आइतबार बसेको स्थायी कमिटी बैठकपछि सञ्चारकर्मीहरुसँग कुरा गर्दै दाहालले यस्तो बताएका हुन् ।
बैठकमा पार्टीका उपमहासचिव जनार्दन शर्माले ३१ लाख जनमत भएको माओवादी ११ लाखमा झर्नुमा आफ्नो कारण रहेको भए आत्मालोचना गर्ने र पार्टी अध्यक्षले पनि आत्मालोचना गर्नुपर्ने धारणा राखेका थिए । सोही विषयमा सञ्चारकर्मीहरुसँग अध्यक्ष दाहालले गल्ती गर्नेले आत्मोलाचना गर्नुपर्ने टिप्पणी गरेका हुन् ।
उनले भने, ‘अहिले छलफल चलिरहेको छ । गल्ती गर्नेले आत्मालोचना गर्नुपर्छ । ’नेकपा माओवादी केन्द्रको स्थायी कमिटी बैठकमा आज १९ जनाले आफ्ना धारणा राखेका छन् ।
