काठमाडौं, साउन २४ :
हिमालयन आर्ट्स फेस्टिभल, २०२५ काठमाडौंमा सुरु भएको छ ।
काठमाडौंको बबरमहलस्थित कला परिषद् (आर्ट काउन्सिल) मा प्रदर्शनी सुरु भएको हो । प्रदर्शनीमा १२२ कलाकारका कलाकृतिहरु रहेको इ-आर्ट्स नेपालकी को-फाउन्डर सुजन श्रेष्ठले बताए । उनका अनुसार अगस्त ९ देखि सुरु भएको प्रदर्शनी १४ तारिखसम्म सञ्चालन हुनेछ । उनले भने, ‘यसमा प्रदर्शनीमा १२२ जना आर्टिस्ट हुनुहुन्छ । आजदेखि १४ तारिखसम्म चल्छ ।’
श्रेष्ठका अनुसार प्रदर्शनी बिहान ११ बजेदेखि साँझ ७ बजेसम्म सञ्चालन हुनेछ । प्रदर्शनी एक किसिमको उद्यमशीलता प्रोत्साहनका रुपमा सञ्चालन गरिएको उनको भनाइ छ । ‘बिहान ११ बजेदेखि साँझ ७ बजेसम्म चल्छ । यो एक किसिमको उद्यमशीलता प्रोत्साहनको रुपमा रहेको छ,’ उनले भने ।
