सुनसरी, भदौ १ :
तीन दिनअघि सुनसरीको झुम्का कारागारबाट भागेका कैदी बिर्तामोडबाट पक्राउ परेका छन् ।
जिल्ला प्रहरी कार्यालय सुनसरीका प्रमुख प्रहरी उपरीक्षक सुमनकुमार तिमिल्सिनाले कारागारबाट भागेका कैदी खोटाङको प्रुङचुचुम्मा गाउँपालिका २ का २८ वर्षीय रुपक पौडेल खत्रीलाई प्रहरीले झापा जिल्लाको बिर्तामोड नगरपालिका १०, विराटपोखरस्थित आफन्तको घरबाट शनिबार पक्राउ गरिएको जानकारी दिए ।
जबरजस्ती करणी कसुरमा कारागारमा सजाय भोगिरहेका पौडेल खत्रीलाई प्रहरीले पक्राउ गरी थप कानुनी कारबाही प्रक्रिया अघि बढाइएको छ । जबरजस्ती करणी कसुरमा १३ वर्ष कैद सजाय पाएका खत्रीले एक वर्ष कैद भुक्तान गरेका छन् ।
