काठमाडौं, भदौ २३ :
प्रदर्शनमा उत्रिएका जेनजी संसद् भवनभित्र छिरेपछि नयाँ बानेश्वरको अवस्था तनावग्रस्त बनेको छ । तीनकुने र माइतीघरतर्फबाट आएका प्रदर्शनकारी बानेश्वरमा भेला भएका छन् । केही प्रदर्शनकारी संसद् भवनभित्र छिरेका छन् ।
ब्यारिकेड तोडेर केही प्रदर्शनकारीहरु संसद् भवन परिसरभित्र छिरेका हुन् । आन्दोलनकारीलाई तितरबितर गर्न प्रहरीले संसद् भवनको दक्षिणी गेटतिर अश्रुग्यास प्रहार गरेको छ । दुईतर्फबाट भएको प्रदर्शनको बीचमा प्रहरी परेको छ ।
