नेपाली शेर्पा समुदायका अनुभवी उच्चहिमाली गाइड कामीरिता शेर्पाले सगरमाथासहित ८ हजार मिटरभन्दा माथिका हिमालहरूमा ४२ औँ पटकको सफल आरोहण गर्दै गिनिज वर्ल्ड रेकर्ड प्रमाणपत्र प्राप्त गरेका छन्।
सोलुखुम्बुका ५५ वर्षीय कामीरिता विश्वकै सर्वाधिक सगरमाथा आरोही हुन्। उनले सगरमाथा मात्र ३१ पटक आरोहण गरिसकेका छन्। २०२५ मे २७ मा उनले ३१ औँ सफल आरोहण पूरा गरेका थिए।
सगरमाथाबाहेक उनले मनास्लु, ल्होत्से, चोयू तथा पाकिस्तानको के–टु हिमाल चढेका छन्। कामीरिताले यो उपलब्धिलाई आफ्नो ‘जीवनभरको समर्पण र शेर्पा समुदायको आत्मा’ को सम्मान भएको बताए। कामीरिताले आफ्नो आरोहण यात्रा जारी रहने बताउँदै आगामी वसन्तमा ३२ औँ पटक सगरमाथा चढ्ने तयारी रहेको जानकारी दिएका छन्।
नेपालका अर्का रेकर्डधारी निर्मल पुर्जा ‘निम्सदाइ’ ले पनि १४ वटा ८ हजार मिटर अग्ला हिमालमा ५१ पटक आरोहण गरिसकेका छन्। यी दुवै आरोहीका उपलब्धिले नेपाललाई विश्व–स्तरीय पर्वतारोहण क्षमतासहित चिनाउँदै आएको रिपोर्टमा उल्लेख छ।
