काठमाडौं, मंसिर २६ :
सशस्त्र प्रहरी बलको पोसाक लगाएर टिकटक भिडियो बनाएको आरोपमा २१२ जना सशस्त्र प्रहरी कर्मचारीलाई कारबाही गरिएको छ।
सशस्त्र प्रहरीका प्रवक्ता मनिष थापाका अनुसार पोसाक प्रयोग गरेर भिडियो बनाउनु नियमविपरीत भएकाले उनीहरूलाई कारबाही गरिएको हो। उनीहरूलाई बढुवा रोक्का, चेतावनी, सचेत, ध्यानाकर्षण र मौखिक सम्झाइबुझाई गरिएको सशस्त्र प्रहरीले जनाएको छ ।
सशस्त्र प्रहरीले आफ्ना कर्मचारीको सामाजिक सञ्जालका गतिविधिलाई अनुगमन गर्न प्रधान कार्यालयमा सामाजिक सञ्जाल अनुगमन शाखा स्थापना गरेको छ ।
