काठमाडौं, पुस १ :
मकवानपुरको बकैया गाउँपालिका–७ स्थित अधेरीमा ट्याक्टर दुर्घटना हुँदा तीन जनाको मृत्यु भएको छ भने १९ जना घाइते भएका छन्।
मङ्गलबार दिउँसो लु ५ त १७४ नम्बरको ट्याक्टर दुर्घटना हुँदा बकैया गाउँपालिका ७ अधेरीका अन्दाजी ५५ वर्षीय केशव माझी, युवराज माझी र ४५ वर्षीय सन्तलाल माझीको मृत्यु भएको जिल्ला प्रहरी कार्यालय मकवानपुरका प्रवक्ता प्रहरी नायव उपरीक्षक पुष्कर बोगटीले जानकारी दिए।
उनका अनुसार दुर्घटनामा पर्ने निजगढ-मकवानपुर-काठमाडौँ द्रुतमार्गमा काम गर्ने निर्माण श्रमिक हुन्। उनीहरु खाना खाएर कामका लागि जाने क्रममा ट्याक्टर दुर्घटना भएको जनाइएको छ। घाइतेको हेटौँडा अस्पताल र चुरे हिल अस्पतालमा उपचार भइरहेको छ।
