काठमाडौं, माघ २२ :
गत भदौ २४ गते जेन-जी प्रदर्शनका क्रममा सिंहदरबारमा आगजनी गरेको आरोपमा प्रहरीले एकजनालाई पक्राउ गरेको छ ।
चितवन खैरहनी नगरपालिका-९ घर भई हाल काठमाडौं महानगरपालिका-२९ अनामनगर बस्दै आएका ३६ वर्षीय महेन्द्र गौतमलाई प्रहरीले पक्राउ गरेको हो ।
प्रहरीले गौतमलाई काठमाडौं जिल्ला अदालतबाट पाँच दिनको म्याद थप अनुमति लिई अनुसन्धान अघि बढाएको जनाएको छ । उनीमाथि भिडलाई उत्तेजित बनाउने, आगजनीका लागि उक्साउने गतिविधिमा संलग्न रहेको आरोप छ ।
