प्रतिनिधिसभा निर्वाचन नजिकिँदै गर्दा मतदान गर्न आफ्नो क्षेत्र फर्कनेहरुको संख्या बढ्दै गएको छ । निर्वाचनका लागि सरकारले तीन दिन सार्वजनिक बिदा दिएपछि मताधिकार प्रयोग गर्न आफ्नो क्षेत्र फर्कनेहरुको संख्या बढ्दै गएको हो । पछिल्लो तीन दिनमा काठमाडौं उपत्यकाबाट बाहिरिने यात्रुहरुको संख्या बढेको काठमाडौँ उपत्यका ट्राफिक प्रहरी कार्यालयले जनाएको छ ।
मतदाता भोट हाल्नका लागि आफ्नो क्षेत्रमा फर्केसँगै अन्य दिनको तुलनामा काठमाडौंमा सवारी चाप केही कम देखिएको छ । फागुन २१ गते हुने निर्वाचनका लागि १ करोड ८९ लाख ३ हजार ६८९ मतदाता कायम रहेका छन् भने मतदानका लागि २३ हजार १ सय १२ मतदान केन्द्र तोकिएको छ ।
