महोत्तरी, फागुन १९ :
बर्दिबासमा आज दिउँसो शंकास्पद वस्तु पड्किँदा दुई पैदलयात्रु घाइते भएका छन् । बर्दिबास नगरपालिका–१ स्थित रातो पुलमा रहेको शंकास्पद वस्तुलाई खुट्टाले चलाउने क्रममा पड्किँदा कैलाली घोडाघोडी–१० का १७ वर्षीय सन्देश चौधरी र २४ वर्षीय समीर चौधरी घाइते भएको प्रहरीले जनाएको छ ।
सँगै हिँडिरहेका तीनजना मध्ये एक जनाले खुट्टाले चलाउने क्रममा पड्किँदा छर्रा लागेर उनीहरु घाइते भएका हुन् । दुई मध्ये अर्को शंकास्पद वस्तुलाई नेपाली सेनाले डिस्पोज गरेको छ । शंकास्पद वस्तुबारे अनुसन्धान भइरहेको प्रहरीले छ ।
