पुस्ताको नाममा राजनीतिमा अतिवादी सोच हाबी भयो : ज्ञवाली

नेकपा एमालेका नेता प्रदीपकुमार ज्ञवालीले पछिल्लो समय राजनीतिमा केही पुस्ताको नाममा अतिवादी सोच हाबी भएको बताएका छन् । मनमोहन स्मृति प्रतिष्ठानले आज ललितपुरको सानेपामा आयोजना गरेको सभामा उनले  परिपक्व नेतृत्वको मार्गदर्शन र युवा ऊर्जाको संयोजनबाट मात्र देश बन्ने बताए । 

उनले नेपालको कम्युनिष्ट आन्दोलनलाई इतिहासमा नै ठूलो धक्का लागेको धारणा व्यक्त गरे । त्यस अवसरमा वक्ताहरूले पूर्वप्रधानमन्त्री अधिकारी प्रतिकूल परिस्थितिमा पनि निष्ठा नत्याग्ने नेता भएको भन्दै उनको योगदानको चर्चा गरेका थिए ।