काठमाडौँ, माघ २८ :
नेपाल समाजवादी पार्टी (नयाँ शक्ति) को आज (आइतबार) देखि पहिलो महाधिवेशन सुरु हुँदै छ ।
नेपाल प्रज्ञा- प्रतिष्ठानमा २९ गतेसम्म हुने महाअधिवेशनमा एक हजार पाँच समय प्रतिनिधिले भाग लिने महाधिवेशन व्यवस्थापन समितिकी संयोजक हिसिला यमीले जानकारी दिइन् ।
पार्टीले राजनीतिक दलभित्रको आन्तरिक लोकतन्त्रलाई बलियो तुल्याउँदै पार्टी सुदृढीकरण, असल राजनीतिक अभ्यास, संविधानको मर्मअनुरुप समावेशी चरित्रको सङ्गठन निर्माणलाई प्राथमिकता दिने जनाएको छ । साथै महाधिवेशनमार्फत ११ जना पदाधिकारीसहित ९९ सदस्यीय केन्द्रीय समिति चयन हुनेछन् ।
नयाँ शक्तिले मुलुकका अग्रगामी, वैकल्पिक र परिवर्तनकारी राजनीतिक शक्तिसँग सहकार्यको सम्भावना रहेको जनाएको शनिबार पत्रकार सम्मेलनमा जानकारी दिएको थियो ।
