साताको पहिलो कारोबार दिन आइतबार नेप्से उकालो लागेको छ । नेप्से परिसूचक आज १९ दशमलव ५६ अंकले बढेर २६ सय ९८ दशमलव शून्य तीन अंकमा पुगेको छ ।
यसैगरी (क) वर्गका कम्पनीहरुको कारोबार मापन गर्ने सेन्सिटिभ इन्डेक्स पनि तीन दशमलव ५४ अंकले बढेर चार सय ५३ दशमलव ४२ अंकमा पुगेको छ । नेप्सेमा आज तीन सय नौ कम्पनीको ९६ हजार दुई सय ८२ पटकको कारोबारमा दुई करोड नौ लाख ८४ हजार चार सय ४० कित्ता सेयर खरिद-बिक्री भएको छ । जसअनुसार कुल कारोबार रकम नौ अर्ब ४७ करोड तीन लाख आठ हजार दुई सय ६६ रुपैयाँ पुगेको छ ।
नेप्सेमा आज १३ समूहको सेयर कारोबार भएकामा निर्जीवन बिमा समूहको सूचक एक सय ६५ दशमलव ९० अंकले घटेर १२ हजार ६ सय ९८ दशमलव शून्य ६ अंकमा झरेकामा सामूहिक लगानी कोष समूहको सूचक पनि शून्य दशमलव शून्य दुई अंकले घटेको छ । यीबाहेक बाँकी समूहहरुको सूचक भने बढेका छन् ।
जसमध्ये वाणिज्य बैंक समूहको सूचक १३ दशमलव २१ अंकले बढेर १३ सय ५८ दशमलव ४२ अंकमा चढेकामा विकास बैंक समूहको सूचक पनि पाँच दशमलव १० अंकले बढेर पाँच हजार सात सय ९६ दशमलव ५६ अंकमा चढेको छ ।
फाइनान्स समूहको सूचक पनि एक सय ३८ दशमलव २४ अंकले बढेर दुई हजार नौ सय ३३ दशमलव ९२ अंकमा चढेकामा जलविद्युत् समूहको सूचक पनि १३ दशमलव ७४ अंकले बढेर तीन हजार आठ सय ११ दशमलव ८७ अंकमा चढेको छ ।
जीवन बिमा समूहको सूचक पनि ५० दशमलव ८४ अंकले बढेर १३ हजार ७० दशमलव ३० अंकमा चढेकामा होटेल तथा पर्यटन, लगानी, उत्पादमूलक, लघुवित्त, अन्य र व्यापार समूहको सूचक पनि क्रमशः एक सय २९ दशमलव २८, एक दशमलव २६, १४ दशमलव १६, ९५ दशमलव ७४, आठ दशमलव शून्य तीन र ११ अंकले बढेका छन् ।
नेप्सेमा आज बढी कमाउने कम्पनीको सूचीमा पहिलो स्थानमा विन लघुवित्त वित्तीय संस्था परेको छ । बढी गुमाउने कम्पनीको सूचीमा पहिलो स्थानमा ङादी ग्रुप पावर लिमिटेड परेको छ । यसैगरी बढी रकम कारोबार गर्ने कम्पनीको सूचीमा भने एनआरएन इन्फ्रास्ट्रक्चर एन्ड डेभलपमेन्ट लिमिटेड परेको छ ।
