काठमाडौं, वैशाख १७ :
प्रहरीले सर्वोच्च अदालतका शाखा अधिकृत महिमानसिंह विष्टलाई पक्राउ गरेको छ ।
नागरिक उन्मुक्ति पार्टी (नाउपा) का संरक्षक रेशम चौधरीलाई पक्राउ गर्न भन्दै उनले प्रहरीलाई पत्र लेखेर आफैंले बुझाएका थिए । हुँदै नभएको आदेश कार्यान्वयन गर्न भन्दै उनले प्रहरीलाई पत्र लेखेका थिए । सोही पत्रका आधारमा प्रहरीले रेशमलाई प्रज्ञा प्रतिष्ठानबाट पक्राउ गरी डिल्लीबजार कारागार चलान गरेको थियो ।
शाखा अधिकृत विष्टले आफैंले लेखेर प्रहरीलाई बुझाएको पत्र अनधिकृत भएको पुष्टि भएसँगै उनी पक्राउ परेका हुन् ।
विष्टको अनधिकृत पत्रका कारण पक्राउ परेका रेशमलाई सर्वोच्च अदालतले अर्को पत्र पठाएर थुना मुक्त गराउने तयारी छ । प्रहरीले पनि पत्र आएपछि सोही अनुसार गरिने जनाएको छ ।
