अन्तर्राष्ट्रिय बजारमा सुनको मूल्यमा सामान्य गिरावट भएको छ । त्यसको प्रभाव नेपाली बजारमा पनि परेको छ ।
हिजो (बिहीबार) को तुलनामा आज (शुक्रबार) एक तोला सुनको मूल्य ११ सय रुपैयाँले घटेको छ । चाँदी पनि प्रतितोला २० रुपैयाँले घटेको छ ।
नेपाल सुनचाँदी व्यवसायी महासंघका अनुसार आज (शुक्रबार) सुन प्रतितोला एक लाख ९० हजार ४०० रुपैयाँ कायम भएको छ । यसैगरी चाँदी प्रतितोला दुई हजार पाँच रुपैयाँमा कारोबार भइरहेको महासंघले जनाएको छ ।
अन्तर्राष्ट्रिय बजारमा आज (शुक्रबार) प्रतिऔंस सुन तीन हजार ३३० डलरमा कारोबार भइरहेको अन्तर्राष्ट्रिय सञ्चारमाध्यमहरूले जनाएका छन् ।
