ललितपुर, असार ३ :
ललितपुर महानगरपालिकाले आफ्नो पालिकाभित्र उद्यम गर्ने उत्कृष्ट १० महिला उद्यमीलाई सम्मान गरेको छ ।
महानगरले गरेको चौथो महिला उद्यमी सम्मेलनमा उनीहरूलाई उद्योग, वाणिज्य तथा आपूर्तिमन्त्री दामोदर भण्डारीले सम्मानपत्र प्रदान गरे ।
सम्मानित हुनेमा आमाज क्रिएसनकी सुरुचि खड्का, कटन केयर होमकी हसना महर्जन, नेटमेड फार्मेसीकी सुप्रिया शाक्य, जरा सोसल भेन्चर प्रालिका हेमा श्रेष्ठ छन् ।
त्यसैगरी रानीदेवी कृषि तथा पशुपालन फार्म प्रालिकी नानीमाया नेपाली, नेवाः नशाः घासाः की दिलमाया महर्जन, निभा ट्रेड इन्टरप्राइजेजकी निलिमा बज्राचार्य, वःसकी दीपा कर्माचार्य, बेस्ट ट्रेडर्सकी सुनिता बज्राचार्य र न्हु डिजाइन्सकी रश्मी तण्डुकार रहेका छन् ।
