नेपाली बजारमा आज (आइतबार) सुन र चाँदी दुवैको भाउ बढेको छ ।
नेपाल सुनचाँदी व्यवसायी महासंघका अनुसार आइतबार सुन अघिल्लो दिनको तुलनामा प्रतितोला ११ सय रुपैयाँले बढेको हो । यसैगरी चाँदी प्रतितोला ६५ रुपैयाँ बढेको महासंघले जनाएको छ ।
महासंघका अनुसार आइतबार छापावाल सुन प्रतितोला ११ सय रुपैयाँले बढ्दै एक लाख ९२ हजार ९०० रुपैयाँ कायम भएको छ । यसअघि शुक्रबार छापावाल सुनको मूल्य एक लाख ९१ हजार ८०० रुपैयाँ कायम थियो ।
प्रतितोला ६५ रुपैयाँले बढेको चाँदीको मूल्य पनि आइतबार २२ सय ८५ रुपैयाँ कायम भएको छ । शुक्रबार चाँदीको मूल्य प्रतितोला २२ सय २० रुपैयाँ कायम छ ।
