सुन प्रतितोला ६०० रुपैयाँले घट्यो, चाँदी बढ्यो

नेपाली बजारमा आज (मंगलबार) सुनको मूल्य घटेको छ भने चाँदीको मूल्य बढेको छ ।

नेपाल सुनचाँदी व्यवसायी महासंघका अनुसार मंगलबार सुनको मूल्य प्रतितोला एक लाख ९३ हजार रुपैयाँ कायम छ । सोमबार सुन प्रतितोला एक लाख ९३ हजार ६०० रुपैयाँमा कारोबार भएको थियो ।

यसैगरी चाँदीको मूल्य प्रतितोला ५ रुपैयाँले बढ्दै २३ सय रुपैयाँ कायम छ । चाँदी सोमबार प्रतितोला २२ सय ९५ रुपैयाँमा कारोबार भएको थियो ।