नेकपा एमाले वरिष्ठ उपाध्यक्ष ईश्वर पोखरेलले अध्यक्ष केपी शर्मा ओलीमाथि जनताको बहुदलीय जनवाद (जबज) को विचारलाई क्षति पुर्याएको आरोप लगाएका छन्।
मदन भण्डारीको ७५औं जन्मजयन्तीको अवसरमा गठित समितिको सम्पर्क कार्यालयको बिहीबार उद्घाटन कार्यक्रममा पोखरेलले ओलीले जबजको सन्दर्भमा विचारभन्दा बढी ‘टोपी’ मात्र लगाएको टिप्पणी गरे।
पोखरेलले पूर्वउपाध्यक्ष विद्या भण्डारीलाई निष्क्रिय बनाउने ओलीको निर्णयको आलोचना गर्दै विचारको रक्षाका लागि कदम चालेको बताए।
उनले भने, ‘कहिलेकाहीँ विचारकै टोपी लाउनेहरुले विचारलाई क्षतविक्षत बनाइरहेका हुन्छन्।’ ओलीको खुलेरै विरोधमा उत्रिएका पोखरेलको राजनीतिक अब कसरी अगाडि बढ्छ यो हेर्न बाँकी छ । विगतलाई हेर्ने हो भने ओलीको विरोध गर्नेहरुले कारबाहीको सामना गर्नुपर्नेछ ।
नेताहरूले ओलीको एकल निर्णय विरुद्ध लाग्ने तथा पार्टीमा विचारको संरक्षण गर्ने प्रतिबद्धता व्यक्त गरे।कार्यक्रममा उपाध्यक्षहरु युवराज ज्ञवाली, सुरेन्द्र पाण्डे र विद्या भण्डारीको पनि उपस्थिति थियो।
