नेपाली बजारमा आज (शुक्रबार) सुनको मूल्यले रेकर्ड बनाएको छ । सुनको मूल्य आज दुई लाख रुपैयाँभन्दा माथि पुगेको छ । नेपाल सुनचाँदी व्यवसायी महासंघका अनुसार सुन प्रतितोला १२ सय रुपैयाँले बढेको छ । यसैगरी चाँदीको मूल्य प्रतितोला ५ रुपैयाँले बढेको छ ।
महासंघका अनुसार अघिल्लो कारोबार दिन बिहीबार सुन प्रतितोला एक लाख ९९ हजार ४०० रुपैयाँमा कारोबार भएको थियो । आज (शुक्रबार) सुनले रेकर्ड राख्दै दुई लाख ६०० रुपैयाँ प्रतितोला कायम छ । सुन बुधबार प्रतितोला एक लाख ९९ हजार रुपैयाँमा कारोबार भएको थियो ।
यसैगरी मंगलबार प्रतितोला एक लाख ९८ हजार ७०० रुपैयाँमा सुनको कारोबार भएको थियो । यस्तै सोमबार प्रतितोला एक लाख ९७ हजार २०० रुपैयाँमा कारोबार भएको सुन आइतबार भने एक लाख ९७ हजार ५०० रुपैयाँमा कारोबार भएको थियो ।
यसैगरी चाँदीको मूल्य प्रतितोला ५ रुपैयाँले बढ्दै २३ सय ६० रुपैयाँ कायम छ । चाँदी बिहीबार प्रतितोला २३ सय ५५, बुधबार २३ सय ४५ रुपैयाँमा कारोबार भएको थियो ।
यस्तै मंगलबार चाँदीको मूल्य २३ सय ६० रुपैयाँमा कारोबार हुँदा सोमबार प्रतितोला २३ सय ५५ रुपैयाँमा कारोबार भएको थियो । आइतबार भने चाँदी प्रतितोला २३ सय ५० रुपैयाँमा कारोबार भएको थियो ।
