नेपाली कांग्रेस, नेकपा एमाले, माओवादी केन्द्र, एकीकृत समाजवादी, जसपा, जनमत, लोकतान्त्रिक समाजवादी र नागरिक उन्मुक्ति पार्टीले शनिबार संयुक्त विज्ञप्ति जारी गर्दै प्रतिनिधिसभा विघटनलाई असंवैधानिक भनेका छन्।
प्रधानमन्त्री सुशीला कार्कीको सिफारिसमा राष्ट्रपति रामचन्द्र पौडेलले संसद् विघटन गरेपछि ती दलहरूले उक्त निर्णय संविधानमाथि प्रहार भएको बताएका छन्।
‘जनताको मताधिकारको अपमान र संविधानको अवमूल्यन गरिएको’ भन्दै दलहरूले संसद् पुनर्स्थापनाको माग गरेका छन्। उनीहरूले संसद् बैठक तत्काल बोलाउन र जनताका माग निर्वाचित संस्थाबाट सम्बोधन गर्न आग्रह गरेका छन्।
