अदालतमा भएका तोडफोड र आगजनीका घटनाबारे सर्वोच्चले दियो प्रहरीमा जाहेरी

सर्वोच्च अदालतले जेनजी आन्दोलनको क्रममा देशभरका अदालतमा भएका तोडफोड र आगजनीको घटनाबारे  प्रहरीमा जाहेरी दिएका छन् ।सर्वोच्च र काठमाडौं जिल्ला अदालतले मंगलबार जिल्ला प्रहरी परिसर भद्रकाली, काठमाडौंमा जाहेरी दिएका हुन् ।

अदालतका तर्फबाट जाहेरी आएको परिसरका एसएसपी रमेश थापाले बताए । अब प्रहरीले जाहेरीको आधारमा अनुसन्धान प्रक्रियालाई अघि बढाउनेछ । उनीहरूको पहिचान गरेर कानुनी दायरामा ल्याउनेछ ।

२३ र २४ भदौमा भएको जेनजी आन्दोलनको क्रममा सर्वोच्च अदालतलगायत देशभर अदालतमा आगजनी र तोडफोडबाट क्षति पुगेको छ । अदालतमा भएको क्षतिले विभिन्न किसिमका मुद्दाका फाइलहरु जलेका छन् । महत्वपूर्ण काजगपत्र खरानी भएका छन् ।