काठमाडौं, पुस ३ :
नेकपा एमालेको ११ औँ महाधिवेशनमा अध्यक्ष पदमा पराजित भएका ईश्वर पोखरेल केन्द्रीय सदस्यमा समेत निर्वाचित हुन सकेनन्।
अध्यक्ष पदका लागि भएको निर्वाचनमा केपी शर्मा ओलीसँग प्रतिस्पर्धा गरेका पोखरेल पराजित भएका थिए। निर्वाचन परिणामअनुसार ओलीले १ हजार ६६३ मत प्राप्त गर्दा पोखरेलले ५६४ मत मात्रै ल्याएका थिए।
त्यसैगरी, केन्द्रीय सदस्य पदको निर्वाचनमा पनि पोखरेल पराजित भएका हुन्। उनले १ हजार ८८ मत प्राप्त गरे पनि आवश्यक मत नपुगेकाले केन्द्रीय कमिटीमा अटाउन सकेनन्।
महाधिवेशनबाट ओली अध्यक्षमा पुनः निर्वाचित भएसँगै एमालेको नयाँ नेतृत्व चयन प्रक्रिया सम्पन्न भएको छ।
