काठमाडौं, पुस २३ :
नेकपा एमालेले माघ ११ गते हुने राष्ट्रिय सभा निर्वाचनमा ८ जना उम्मेदवारको टुंगो लगाएको छ । कांग्रेस र जसपा नेपालसँगको भागबण्डा सहमतिअनुसार एमालेले उम्मेदवारको टुंगो लगाएको हो ।
जसअनुसार लुम्बिनीमा रामकुमारी झाँक्री, कर्णालीमा मीना रखाल र सुदूरपश्चिममा लिला भण्डारीलाई उम्मेदवार बनाउने निर्णय गरेको छ । यस्तै मधेस प्रदेशबाट रेखा झा, बागमतीबाट प्रेम दंगाल र गण्डकी प्रदेशबाट सम्झना देवकोटालाई उम्मेदवार बनाएको छ ।
यसैगरी एमालेले कोसी प्रदेशबाट रोशनी मेचे र सोम पोर्तेललाई उम्मेदवार बनाएको छ । उनीहरुले आजै उम्मेदवारी दर्ता गराउँदैछन् । कांग्रेसले ९,एमालेले ८ र जसपा नेपालले १ सिट लिने सहमति बनेको बनेको छ ।
