नेपाली कांग्रेसका निवर्तमान सभापति शेरबहादुर देउवा कुनै पनि चुनावी सभामा सहभागी नहुने भएका छन् ।
देउवा चुनावी अभियानमा निस्कने भन्ने समाचार बाहिर आएपछि उनको सचिवालयले कुनै पनि चुनावी सभामा जाने कार्यक्रम नरहेको स्पष्ट पारेको हो । देउवाको सचिवालयले भन्यो,‘चुनावी सभा वा अन्य कुनै पनि कार्यक्रममा जाने तयारी छैन ।’
विशेष महाधिवेशनबाट कांग्रेसले नेतृत्व फेरेदेखि देउवा पार्टी गतिविधिमा संलग्न छैनन् । देउवा अन्तिम पटक उम्मेदवारी दिन्छु भनेर बसेका देउवा नेतृत्व परिवर्तन भएसँगै चुपचाप छन् । उनी निकट केही नेताहरु यस चुनावमा भाग लिए पनि केही नेताहरु भने उम्मेदवार हुन रुचि देखाएनन् ।
विशेष महाधिवेशनमा गगनकुमार थापा सभापतिमा चयनपछि बदलिएको कांग्रेस भन्दै चुनावमा होमिएको छ । कांग्रेसको आन्तरिक द्वन्द्वले पनि निर्वाचन परिणाममा केही असर पर्न सक्ने आकलन गरिएको छ ।
