रास्वपा कपिलवस्तु संगठन विभाग प्रमुख भट्टराई पक्राउ, तीनदिन म्याद थप

राष्ट्रिय स्वतन्त्र पार्टीका जिल्ला संगठन विभाग प्रमुख रिखिराम भट्टराई पक्राउ परेका छन् । वाणगंगा नगरपालिका ८, धनेशपुरका भट्टराईलाई प्रहरीले अनुसन्धानमा रहेको सरकारी कागजात आफ्नो सामाजिक सञ्जालमार्फत सार्वजनिक गरेको आरोपमा पक्राउ गरेको हो ।

भट्टराईले गत माघ २६ गते आफनो फेसबुक पेजबाट ती कागजातहरू सार्वजनिक गरेर गोपनीयतासमेत भंग गरेको अभियोगमा प्रहरीले नियन्त्रणमा लिएको हो ।बुधबार जिल्ला अदालतबाट ३ दिन म्याद थप गरी विद्युतीय कारोबार ऐन २०६३ बमोजिम अनुसन्धान कार्यअघि बढाइएको प्रहरीले जनाएको छ ।