सर्वोच्च अदालतले पूर्वप्रधानमन्त्री शेरबहादुर देउवा र उनकी पत्नी आरजु राणा देउवालाई पक्राउ नगर्न अन्तरिम आदेश जारी गरेको छ ।
न्यायाधीश महेश शर्मा पौडेल र नित्यानन्द पाण्डेयको इजलासले पक्राउ नगर्न आदेश दिएको हो । आफूहरूलाई गैरकानुनी रूपमा पक्राउ गर्न खोजिएको भन्दै पूर्वप्रधानमन्त्री देउवा दम्पती वारेसमार्फत सर्वोच्च अदालत पुगेका थिए ।
सर्वोच्च अदालतले जिल्ला अदालतबाट जारी भएको पक्राउ पुर्जीका आधारमा उनलाई पक्राउ नगर्नू, नगराउनू भनी अन्तरिम आदेश जारी गरेको हो ।विशेष अदालतको साटो काठमाडौं जिल्ला अदालतबाट पक्राउ पुर्जी जारी गरिएको थियो । सम्पत्ति शुद्धीकरणसम्बन्धी मुद्दा विशेष अदालतको क्षेत्राधिकारमा पर्ने भन्दै सर्वोच्च अदालतले यो आदेश जारी गरेको हो । सम्पत्ति शुद्धीकरणको पक्राउ पुर्जी विशेष अदालतबाट जारी हुनुपर्ने नयाँ अध्यादेशमा व्यवस्था छ ।
