काठमाडौं, पुस १९ :
प्रधानमन्त्री केपी ओली र पूर्वराष्ट्रपति विद्यादेवी भण्डारीबीच आज (बिहीबार) भेटवार्ता भएको छ ।
प्रधानमन्त्री ओली पूर्वराष्ट्रपति भण्डारीलाई भेट्न उनको निवास बूढानीलकण्ठ पुगेका थिए ।
करिब दुई घण्टा भएको भेटमा नेकपा एमालेको पछिल्लो राजनीतिक गतिविधि र समसामयिक विषयमा छलफल भएको पूर्वराष्ट्रपति भण्डारीको स्वकीय सचिवालयले जनाएको छ ।
स्रोतका अनुसार ओलीका हालैका गतिविधिप्रति पूर्वराष्ट्रपति भण्डारी असन्तुष्ट छिन् । एमाले नेताहरू माथिको कारबाहीमा पनि उनको असहमति छ ।
ओलीले पार्टीमा एकता कायम गर्न नसकेको र उनले नेतृत्व लिएपछि संगठनमा निराशा एवं क्षयीकरण बढेको उनको बुझाइ छ । यसैकारण पनि उनले पार्टीनिकट विभिन्न मञ्चमा उपस्थिति बढाउँदै गएकी छन् ।
