हेटौंडा, साउन १९ :
बागमती प्रदेशको मुख्यमन्त्रीका लागि नेपाली कांग्रेस संसदीय दलका नेता इन्द्रबहादुर बानियाँले दाबी पेस गरेका छन् ।
नयाँ सरकार गठनको लागि प्रदेश प्रमुखको कार्यालयबाट सोमबार आह्वान भए लगत्तै बानियाँले दाबी पेस गरेका हुन् । मुख्यमन्त्रीको कार्यालयले २४ घण्टाभित्र दाबी पेस गर्न समय निर्धारण गरेको छ ।
बानियाँले नेकपा एमालेको समर्थनमा सरकारको नेतृत्वको लागि दाबी पेस गरेका हुन् । बहुमत सदस्यको समर्थनसहित दाबी पेस गरेका कारण उनी नै मुख्यमन्त्री बन्ने लगभग निश्चित जस्तैछ । यसअघि बागमती प्रदेशमा कांग्रेसकै नेतृत्वमा सरकार रहेको थियो । पूर्वमुख्यमन्त्री बहादुरसिंह लामाविरुद्ध कांग्रेसकै नेताहरुले अविश्वासको प्रस्ताव दर्ता गरेर हटाएका हुन् ।
र यो पनि…
