बागमती प्रदेशका मुख्यमन्त्री इन्द्रबहादुर बानियाँले प्रदेशसभाबाट विश्वासको मत प्राप्त गरेका छन् । उनको पक्षमा ६३ सांसदले मतदान गरे भने विपक्षमा २२ मत पर्यो । ७ सांसद भने तटस्थ बसे । विश्वासको मतका लागि ५६ सांसदको आवश्यकता रहेको थियो । प्रदेशसभाका कांग्रेसको ३७ र एमालेको २७ सांसद रहेका छन् ।
कुल ११० सदस्यीय प्रदेशसभामा कांग्रेसका एकजना सांसद विदेशमा रहेका कारण बैठकमा ९२ सांसदको उपस्थिति रहेको थियो ।मुख्यमन्त्री बानियाँले एक सातापछि आज विश्वासको मत लिएका हुन् ।
बानियाँलाई विश्वासको मत दिन सत्ता साझेदार दुई दल नेपाली कांग्रेस र नेकपा एमालेले ह्वीप जारी गरेका थिए । मुख्यमन्त्री बानियाँको विपक्षमा माओवादी केन्द्र, राप्रपा, नेकपा (एस), नेमकिपा र हाम्रो नेपाली पार्टीले मतदान गरेका थिए । नेपाली कांग्रेसको संसदीय दलको नेता बन्दै बानियाँ साउन २० मा मुख्यमन्त्रीमा नियुक्त भएका हुन् ।
कांग्रेसभित्रको आन्तरिक किचलोकाबीच बानियाँले प्रदेशसभाबाट विश्वासको मत प्राप्त गरेका हुन् । अब उनले सहमति अनुसार बहादुरसिंह लामा समूहका तीनजना सांसदलाई तीन बनाउनुपर्नेछ ।
