काठमाडौं, असोज ३१ :
नेकपा एमालेले मंसिरको अन्तिम साता ११ औं महाधिवेशन गर्ने निर्णय गरेको छ । आज सम्पन्न केन्द्रीय कमिटी बैठक यस्तो निर्णय गरेको हो । मंसिर २७, २८, २९ मा ११औं महाधिवेशन गर्ने निर्णय गरेको प्रचार विभाग प्रमुख राजेन्द्र गौतमले जानकारी दिए । बैठकले सरकारले निर्वाचनको वातावरण नबनाएको निष्कर्ष निकालेको छ ।
‘प्रहरीबाट लुटिएका हतियार बाहिर राखेर मतदान केन्द्रसम्म मतदाताहरु कसरी पुग्न सक्छन्,’ एमालेको निष्कर्ष छ,’ निर्वाचन हुन नसक्ने अवस्था छ । एमाले संसद् पुन: स्थापनाको माग गर्दछ ।’ अध्यक्ष केपी शर्मा ओलीले प्रस्तुत गरेको राजनीतिक प्रतिवेदन पारित गर्दै तीन दिनदेखि जारी बैठक शुक्रबार सकिएको छ ।
