काठमाडौं, पुस ५ :
नेकपा एमाले ईश्वर पोखरेल समूहको भेला काठमाडौँको बबरमहल स्थित कार्की ब्याङ्क्वेटमा आयोजना गरिएको छ ।
भर्खरै सम्पन्न नेकपा एमालेको ११ औँ महाधिवेशनमा पोखरेल प्यानलले पदाधिकारीमा दुई पदमा जित हासिल गरेको छ । जसमा गोकर्ण विष्ट उपाध्यक्ष र योगेश भट्टराई उपमहासचिवमा विजयी भएका हुन् ।
भेलामा ईश्वर पोखरेल प्यानलबाट लडेका नेता कार्यकर्ताहरूको सहभागीता रहेको छ। सुरुमा मिडियालाई प्रवेश दिईएपनि पछि आन्तरिक छलफल भन्दै मिडियालाई बाहिर जान भनिएको छ ।
ईश्वर पोखरेल भने अध्यक्षमा केपी शर्मा ओलीसँग पराजित भए।
ओलीले १ हजार ६ सय ६३ मत ल्याउँदा पोखरेलले ५ सय ६४ मत प्राप्त गरेका थिए ।
