काठमाडौं, वैशाख ४ :
त्रिपुरेश्वरस्थित बागमती स्विट्स प्रालिको उत्पादनस्थल सिल गरिएको छ ।
अनुगमनका क्रममा उक्त उद्योगमा किरा परेको बदाम भेटिनुका साथै सरसफाइ तथा गुणस्तरसम्बन्धी गम्भीर कमजोरी देखिएकाले खाद्य प्रविधि तथा गुण नियन्त्रण विभागले सिल गरेको हो ।
आदेश उल्लंघन गर्दै कानुनविपरीत खाद्य पदार्थ बिक्री वितरण गरेको पाइएपछि खाद्य उत्पादन स्थल तथा कारखानामा सिलबन्दी गरिएको विभागकी प्रवक्ता बालकुमारी शर्माले जानकारी दिइन् ।
विभागले उत्पादन तथा बिक्री वितरण रोक्न निर्देशन दिँदै कमजोरी सुधार गरी प्रमाणसहित तीन दिनभित्र उपस्थित हुन उद्योगलाई आदेश दिएको छ।
