हेटौंडा, भदौ ४ :
बागमती प्रदेशका नवनियुक्त मुख्यमन्त्री किरण थापाले पद तथा गोपनीयताको शपथ ग्रहण गरेका छन्।
नेपालको संविधानको धारा १६८ को २ बमोजिम थापालाई प्रदेश प्रमुख दीपकप्रसाद देवकोटाले बिहीबार पद तथा गोपनीयताको शपथ ग्रहण गराएका हुन्।
एमाले, नेकपा र राप्रपाको समर्थनमा मुख्यमन्त्रीमा बनेका थापालाई ६३ सांसदको समर्थन रहेको छ। थापाको नियुक्तिलाई लिएर राप्रपा भित्र विवाद भइरहँदा थापा मुख्यमन्त्रीमा नियुक्त भएका हुन् ।
शपथ ग्रहण कार्यक्रममा विपक्षी दलका नेता, संवैधानिक निकायका प्रमुखहरु लगायतको उपस्थित रहेको थियो ।
