कोसी प्रदेशका मुख्यमन्त्री हिक्मतकुमार कार्कीले आज तेस्रो पटक विश्वासको मत लिँदैछन् । एमाले र नेपाली कम्युनिस्ट पार्टी (नेकपा) बिच भएको तीन बुँदे सहमति अनुसार गएको सोमबार नयाँ मन्त्रीहरूको शपथ ग्रहण भएको थियो । त्यसअगाडि नेपाली कांग्रेसले मुख्यमन्त्रीलाई दिएको समर्थन फिर्ता लिएको थियो ।
कांग्रेसले मुख्यमन्त्री कार्कीलाई दिएको समर्थन भदौ ३ गते नै फिर्ता लिएको पत्र संसद् सचिवालयमा दर्ता गरिसकेको छ । गएको साउन ९ गते भएको एमाले र नेकपाबिच प्रदेश सरकारमा गठबन्धन गर्ने सहमति भएको थियो ।
संविधानको धारा १६८ (५) अनुसार २०८१ वैशाख २७ गते मुख्यमन्त्री नियुक्त भएपछि मुख्यमन्त्री कार्कीले २०८१ वैशाख ३१ गते पहिलो पटक विश्वासको मत लिएका थिए । एमाले र तत्कालीन माओवादीबिचको गठबन्धन टुटेर कांग्रेससँग गठबन्धन गरेपछि दोस्रो पटक मुख्यमन्त्री कार्कीले २०८१ असोज २ गते विश्वासको मत लिएका थिए ।
कोशी प्रदेशसभामा ९२ सदस्य छन् । जसमा एमालेका ४० र कांग्रेसका २९ सदस्य रहेका छन् । यस्तै माओवादी केन्द्र र नेकपा (एकीकृत समाजवादी) मिलेर बनेको नेपाली कम्युनिस्ट पार्टीका १७, राप्रपाको सभामुखसहित ५ र जसपाका १ सांसद छन् ।
नेपाली कांग्रेसले मुख्यमन्त्री कार्कीको विश्वासको मतको प्रस्तावको विपक्षमा मतदान गर्ने भएको छ । आज बसेको बैठकले विश्वासको मतको विपक्षमा मतदान गर्ने निर्णय गरेको प्रमुख सचेतक गोपाल तामाङले जानकारी दिए ।
मुख्यमन्त्री थापालाई विश्वासको मत दिने कि नदिने भन्ने विषयमा राप्रपा भित्रको विवाद उत्कर्षमा पुगेको छ। पार्टीभित्रैबाट दुई वटा फरक ह्विप जारी भएको छ। बागमती प्रदेश संसदीय दलका नेता उद्धव थापाले मुख्यमन्त्री किरण थापाको पक्षमा मतदान गर्न ह्विप जारी गरेका छन्। थापाले डम्बर तामाङलाई प्रमुख सचेतकमा नियुक्त गरेका हुन्।
त्यस्तै, राप्रपा केन्द्रको निर्देशनमा आइतबार नै राप्रपाकी प्रमुख सचेतक कुमारी तामाङले मुख्यमन्त्री थापाले मागेको विश्वासको मतको विपक्षमा मतदान गर्न ह्विप जारी गरेकी छन्। यसरी एउटै दलका सांसदलाई पक्ष र विपक्षमा मतदान गर्न ह्विप जारी भएपछि अन्योल छाएको हो।
