काठमाडौं, माघ २ :
चीनको सामाजिक सञ्जाल कम्पनी टिकटकलाई विश्वकै धनाढ्य एलोन मस्कले किन्ने भनेर गरिएको दाबीलाई स्वयं टिकटकले नै अस्वीकार गरेको छ ।
जसमा मस्कले टिकटकलाई किन्ने विषयमा टिकटकले विचार गरिरहेको भन्ने दाबीलाई अस्वीकार गरिएको बीबीसीले समाचारमा उल्लेख गरेको छ ।
टिकटकका प्रवक्ताले बीबीसी न्यूजलाई भने, ‘हामीबाट अनुमानमा टिप्पणी गर्ने अपेक्षा नगर्नुहोस् ।’
हालै, ब्लुमबर्गको एक रिपोर्टले दाबी गरेको छ कि- चिनियाँ अधिकारीहरूले एउटा विकल्पमा विचार गरिरहेका छन् जसमा यदि अमेरिकी सर्वोच्च अदालतले एपमाथिको प्रतिबन्धलाई समर्थन गर्छ भने, अमेरिकामा यसको व्यवसाय विश्वको सबैभन्दा धनी व्यक्ति एलोन मस्कलाई बेच्न सकिन्छ ।
टिकटकले धेरैपटक सार्वजनिक रुपमा भनिसकेको छ कि- यसलाई बेचिने छैन ।
.jpg)
